ხელვაჩაურში, ოპიზრების ქუჩაზე მცხოვრები ათამდე ოჯახი ხელისუფლებას დახმარებას სთხოვს. პროტესტის ნიშნად აქცია გამართეს. ადგილობრივების განცხადებით, ბათუმის შემოვლითი გზის მშენებლობის გამო საცხოვრებელი სახლები დაიბზარა და ცხოვრება საფრთხის შემცველია. ისინი ხელისუფლებას და ავტობანის მშენებელ კომპანიას მოუწოდებენ, გასცეს კომპენსაცია ან ოპიზრების ქუჩიდან მათი გასახლება მოხდეს.

"ავტობანის მშენებლობის გამო ჩვენს ქუჩაზე ყოველდღიურად მძიმე ტექნიკა მოძრაობს. მძიმე ტექნიკის გადაადგილებამ საცხოვრებელი სახლები დაგვიზიანა. ბზარები გაჩნდა და ყოველ წუთს შეიძლება სახლები ჩამოინგრეს. მოვითხოვთ, ტერიტორიიდან გასახლებას ან კომპენსაცია მოგვცენ. მშენებელ კომპანიას არ აინტერესებს ჩვენი პრობლემა, ამიტომ მთავრობამ მოგვაქციოს ყურადღება",- განაცხადეს აქციის მონაწილეებმა.