ჩვენ, "რესპუბლიკელები" და "დემოკრატები" არ ვართ გაყოფილი საქართველოს მხარდაჭერის კუთხით, მსოფლიოში რუსეთის როლის აღქმის თვალსაზრისით, - ამის შესახებ „ამერიკის ხმის“ ქართულ რედაქციას წარმომადგენელთა პალატაში საქართველოს მეგობართა ჯგუფის თანათავმჯდომარემ, ადამ კინზინგერმა განუცხადა.

განცხადება კონგრესმენმა ქართველ დეპუტატებთან შეხვედრისას გააკეთა.

„ჩვენ თქვენთან ვართ. შეიძლება როდესაც ახალ ამბებს უყურებთ, პოლიტიკური კუთხით შეერთებულ შტატებში ბევრ დაპირისპირებას ხედავთ. თუმცა ჩვენ, "რესპუბლიკელები" და "დემოკრატები", არ ვართ გაყოფილნი საქართველოს მხარდაჭერის კუთხით, მსოფლიოში რუსეთის როლის აღქმის თვალსაზრისით, რაც დადებითი როლი ნამდვილად არ არის. საქართველოს აქ ჰყავს მეგობრები "დემოკრატებსა" და "რესპუბლიკელებს" შორის და ეს მნიშვნელოვანია“, - განაცხადა კონგრესმენმა კინზინგერმა.