“ერთიანი ნაციონალური მოძრაობა“ ისანში მომხდარი ტრაგედიის გამო მწუხარებას გამოთქვამს.

„დღეს, კიდევ ერთი უმძიმესი დღეა. ტექნიკური გაუმართაობის გამო ბუნებრივი აირის გაჟონვის მორიგ ფაქტს ჩვენი შვიდი თანამოქალაქის სიცოცხლე ემსხვერპლა.

„ერთიანი ნაციონალური მოძრაობა“ თანაუგრძნობს გარდაცვლილთა ოჯახებს და მწუხარებას გამოთქვამს მომხდარის გამო“, - ნათქვამია პარტიის განცხადებაში.

ქეთევან წამებულის გამზირზე #67-ში სავარაუდოდ, მხუთავი აირის CO-ს გაჟონვის შედეგად 7 ადამიანი გარდაიცვალა.

გავრცელებული ინფორმაციით, ყველა მათგანი ნაქირავებ ბინაში ცხოვრობდა. შსს-ს ინფორმაციით, მომხდარზე გამოძიება დაიწყო სსკ-ის 240-ე მუხლის მესამე ნაწილით, რაც გულისხმობს ელექტრო, ან თბოენერგიის, გაზის, ნავთობის, ან ნავთობპროდუქტების უსაფრთხოების წესების დარღვევას, რასაც მოყვა 2, ან მეტი ადამიანის სიცოცხლის მოსპობა.