რუსთავში, მე-16 მიკრო რაიონში, ცოტა ხნის წინ, ამ ეტაპზე დაუდგენელმა პირებმა საცხოვრებელი ბინა გაქურდეს.
როგორც ბინის მეპატრონე აცხადებს, სახლი რამდენიმე საათით დატოვა, უკან დაბრუნებულს კი ბინა გაქურდული დახვდა. ქურდებმა ბინიდან ოქროსა და ვერცხლის სამკაულები მოიპარეს.
შემთხვევის ადგილზე მობილიზებული არიან საპატროლო და კრიმინალური პოლიციის თანამშრომლები. როგორც ,,ინტერპრესნიუსს" შსს-ში განუცხადეს, ფაქტზე გამოძიება სსკ-ის 177-ე მუხლითაა დაწყებული, რაც ქურდობას გულისხმობს. მიმდინარეობს ინტენსიური საგამოძიებო მოქმედებები.