არჩილ თალაკვაძე - ჩვენმა ხელისუფლებამ იმით დაიწყო, რომ საჯაროდ გამოხატა ნება და წინა ხელისუფლების მიერ სერიებად შექმნილი და შენახული ფარული ჩანაწერები, გაანადგურა

სწორედ ჩვენმა ხელისუფლებამ საქმე იმით დაიწყო, რომ დემონსტრაციულად და საჯაროდ გამოხატა ნება და წინა ხელისუფლების მიერ უკანონოდ, სერიებად შექმნილი და შენახული ფარული ჩანაწერები გაანადგურა, - ამის შესახებ ჟურნალისტებთან საუბრისას საპარლამენტო უმრავლესობის ლიდერმა არჩილ თალაკვაძემ განაცხადა.

როგორც თალაკვაძემ აღნიშნა, თავიდანვე ითქვა, რომ პირად ცხოვრებასთან დაკავშირებული ინფორმაცია არალეგალური გზებით გავრცელებული იყო და სხვადასხვა პირებს არალეგალურად ჰქონდა შენახული. თალაკვაძის განცხადებით, ამგვარი ტიპის მასალების გავრცელებასთან დაკავშირებით უსაფრთხოების სტანდარტების უზრუნველყოფა შეუძლებელი იყო და დასაშვებია, რომ დღესაც არიან ადამიანები, ვინც უკანონო ჩანაწერებს ინახავს.

„პირველ რიგში, უნდა სოლიდარობა გამოვხატო ჩემი თანაგუნდელის ეკა ბესელიას მიმართ და ვთქვა, რომ პირად ცხოვრებაში ჩარევა და პირადი ცხოვრების ამსახველი ნებისმიერი ინფორმაციის გავრცელება არის მიუღებელი. პირველ რიგში ჩვენს ინტერესშია, რომ ფაქტზე მომხდარიყო დროული რეაგირება. ძალიან მნიშვნელოვანია, რომ თითოეულ ასეთ ფაქტზე ადეკვატური რეაგირება მოხდეს და ვინც დანაშაული ჩაიდინა, დაისაჯოს“, - განუცხადა ჟურნალისტებს არჩილ თალაკვაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით