გიორგი ტყემალაძე საქართველოში შვედეთის ელჩს შეხვდა

თბილისის საკრებულოს თავმჯდომარემ გიორგი ტყემალაძემ საქართველოში შვედეთის სამეფოს საგანგებო და სრულუფლებიან ელჩთან ულრიკ ტიდესტრომთან შეხვედრა გამართა.

როგორც „ინტერპრესნიუსს“ თბილისის საკრებულოდან აცნობეს, გიორგი ტყემალაძემ მადლობა გადაუხადა ელჩს სტუმრობისთვის და მომავალში ნაყოფიერი თანამშრომლობის იმედი გამოთქვა.

თბილისის საკრებულოს თავმჯდომარემ ულრიკ ტიდესტრომს დედაქალაქისთვის მნიშვნელოვანი პროექტებისა და პრიორიტეტული მიმართულებების შესახებ მიაწოდა ინფორმაცია, რომელთა შორის არის: ეკოლოგიური მდგომარეობის გაუმჯობესება, საზოგადოებრივი ტრანსპორტის განვითარება, ურბანული პოლიტიკის რეფორმა. შეხვედრაზე ასევე ისაუბრეს თბილისის ბიუჯეტის დაგეგმვაზე და იმ პრიორიტეტებზე, რომლებიც დედაქალაქის მთავარ ფინანსურ დოკუმენტშია გათვალისწინებული.

შვედეთის ელჩმა თავის მხრივ აღნიშნა საქართველოს მზარდი პოპულარობა შვედ ტურისტებსა და კომპანიებს შორის. მან დაადასტურა საქართველოსა და შვედეთს შორის თანამშრომლობის შემდგომი გაღრმავების სურვილი.

შეხვედრის ბოლოს, თბილისის საკრებულოს თავმჯდომარემ ელჩს საკრებულოს ისტორიული შენობა დაათვალიერებინა და სამახსოვრო საჩუქრები გადასცა.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა