საქართველოსა და გერმანიის საგანგებო სიტუაციების მართვის სფეროში ურთიერთანამშრომლობის მემორანდუმის გაფორმება იგეგმება

საქართველოსა და გერმანიის ფედერაციულ რესპუბლიკას შორის საგანგებო სიტუაციების მართვის სფეროში ურთიერთანამშრომლობის მემორანდუმის გაფორმება იგეგმება. უწყების ინფორმაციით, ამ საკითხთან დაკავშირებით მოლაპარაკებები ქალაქ ბონში გაიმართა, რომელსაც საგანგებო სიტუაციების მართვის სამსახურის საერთაშორისო სამმართველოს უფროსი შალვა კვინიხიძე ესწრებოდა.

გერმანიის შინაგან საქმეთა სამინისტროს ტექნიკური დახმარების ფედერალური სამსახური (THW) საქართველოს საჭიროების შემთხვევაში, საგანგებო სიტუაციების დროს დაეხმარება. ქართულმა მხარემ შეხვედრისას THW-ს სთხოვა მენტორობა გაუწიოს საგანგებო სიტუაციების მართვის სამსახურს INSARAG-ის აკრედიტაციის მიღების პროცესში, რაც სამსახურს საშუალებას მისცემს ჩაერთოს საერთაშორისო სამაშველო მისიებში.

THW-ს წარმომადგენლები უახლოეს მომავალში საქართველოში ვიზიტსაც განიხილავენ, რათა ადგილზე მოხდეს სამაშველო სამსახურების შესაძლებლობების შეფასება და სამომავლო თანამშრომლობის გეგმების დასახვა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება