61-ე სკოლაში მომხდარი ჩხუბის მონაწილე მოსწავლეები გამოკითხვაზე იმყოფებიან
თბილისის 61-ე საჯარო სკოლის მოსწავლეები საპატრულო პოლიციის განყოფილებაში იკითხებიან. როგორც „ინტერპრესნიუსს“ შინაგან საქმეთა სამინისტროდან აცნობეს, ფაქტზე გამოძიებაა დაწყებული.
მე-11 კლასელი მოსწავლეები, რომელთაც დღეს, საკლასო ოთახში დასვენების დროს იჩხუბეს, კახეთის გზატკეცილზე მდებარე საპატრულო პოლიციის დეპარტამენტში იმყოფებიან.
სკოლის დირექციის ინფორმაციით, შემთხვევის შედეგად არავინ დაშავებულა და მოსწავლეებს მხოლოდ მცირე ნაკაწრები აღენიშნებოდათ, ხოლო კონფლიქტი მომენტალურად ამოიწურა.
