„მინისტრის საათის“ ფორმატში, პარლამენტში მოხსენებით პირველი მაია ცქიტიშვილი გამოვა

8 თებერვალს, საქართველოს პარლამენტი, პლენარულ სხდომაზე, საქართველოს ვიცე-პრემიერის, რეგიონული განვითარებისა და ინფრასტრუქტურის მინისტრის, მაია ცქიტიშვილის ანგარიშს მოისმენს.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, მაია ცქიტიშვილი პირველი მინისტრი იქნება, რომელიც საკონსტიტუციო ცვლილებებისა და პარლამენტის ახალი რეგლამენტის ამოქმედების შემდეგ, უმაღლეს საკანონმდებლო ორგანოს „მინისტრის საათის“ ფორმატში წარუდგენს ანგარიშს.

როგორც რეგიონული განვითარებისა და ინფრასტრუქტურის სამინისტროს მიერ გავრცელებულ ინფორმაციაშია ნათქვამი, „მინისტრის საათი“ გათვალისწინებულია საქართველოს პარლამენტის ახალი რეგლამენტით და გულისხმობს წელიწადში ერთხელ საქართველოს მთავრობის ცალკეული წევრების პლენარულ სხდომაზე მოხსენებით გამოსვლას. მინისტრის საათი იწყება მთავრობის წევრის სიტყვით გამოსვლით, რისთვისაც 45 წუთია გამოყოფილი. მოხსენების შემდეგ, მინისტრი დეპუტატების შეკითხვებს უპასუხებს.

2019 წლის საგაზაფხულო სესია ხვალ, 5 თებერვალს გაიხსნება. საკონსტიტუციო ცვლილებებისა და პარლამენტის ახალი რეგლამენტის საფუძველზე, პარლამენტის პლენარული სხდომა თბილისში მდებარე სასახლეში გაიმართება.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში