განათლების მინისტრი „ევროპული საქართველოს“ ინიციატივაზე - ყველას აქვს თავისი შეხედულება და უნდა ჰქონდეს - ეს არის ჯანსაღი პროცესი

რა თქმა უნდა, ყველას აქვს თავისი შეხედულება და უნდა ჰქონდეს - ეს არის ჯანსაღი პროცესი, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა ჟურნალისტებს „ევროპული საქართველოს” მიერ უნარების ეროვნული გამოცდების სავალდებულო საგანთა ნუსხაში დაბრუნების ინიციატივის კომენტირებისას განაცხადა.

მინისტრის თქმით, რეფორმების ფარგლებში უწყება ყველა დაინტერესებულ მხარესთან, როგორც პოლიტიკურ, ისე საერთაშორისო წრეებთან და საექსპერტო საზოგადოებასთან ითანამშრომლებს.

„მთავარია, ჩვენ ნაბიჯების გადადგმა დავიწყეთ. დღევანდელ დღესაც დავანახეთ ის ნაბიჯები, ის რეფორმები, რომელიც ყველა მიმართულებით განხორციელდება. ეს არის სკოლამდელი განათლება, სკოლა, უმაღლესი განათლება, მეცნიერება. ძალიან კარგია, რომ ბევრი ადამიანი დაინტერესდა. ბევრი ახლა დაინტერესდა, რაც ძალიან სამწუხაროა. ვფიქრობთ, ერთობლივად, როგორც პოლიტიკური ძალებთან, ისე ექსპერტებთან, საერთაშორისო საზოგადოებასთან - ყველა მხარესთან ვითანამშრომლებთ და როგორც ვთქვით, აქ ერთადერთი მიზანი გვაქვს, რომ საქართველოში ამ რეფორმებით მაღალი ხარისხის განათლება მივიღოთ”, - აღნიშნა მინისტრმა.

აღსანიშნავია, რომ პოლიტიკური პარტია “ევროპული საქართველო” ზოგადი უნარ-ჩვევების სავალდებულო გამოცდათა ნუსხაში დაბრუნებასთან დაკავშირებით პარლამენტში საკანონმდებლო ინიციატივის შეტანას გეგმავს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო