ვენესუელას დედაქალაქ კარაკასში აშშ-ს ქვეყნის შიდა საქმეებში ჩარევის წინააღმდეგ ხელმოწერების შეგროვების კამპანია დაიწყო.
ნებისმიერ მოქალაქეს, რომელიც პირადობის მოწმობას წარადგენს, შეუძლია შეუერთდეს განცხადებას, რომელიც აშშ-სგან ვენესუელაზე ზეწოლის განხორციელებისა და ძალისმიერი ჩარევის მუქარის შეწყვეტას მოითხოვს.
აღნიშნული კამპანია ქვეყნის მასშტაბით მიმდინარეობს და ამ კვირის ბოლომდე გაგრძელდება. კამპანია ქვეყნის მთავარ მოედანზე, ბოლივარის მოედანზე დაიწყო და მისი მთავარი ლოზუნგი იყო „ამერიკელებო, წადით სახლში!“
კამპანიის მონაწილეები აცხადებენ, რომ ამერიკას არ აქვს უფლება ვენესუელას შიდა საქმეებში ჩაერიოს.
შეგახსენებთ, 4 თებერვალს აშშ-ს პრეზიდენტმა დონალდ ტრამპმა განაცხადა, რომ ვაშინგტონი ვენესუელაში სამხედრო ძალის გამოყენების შესაძლებლობას განიხილავს.