პოლონეთის საელჩო ვარშავაში მოკლული საქართველოს მოქალაქის ოჯახს სამძიმარს უცხადებს

საქართველოში პოლონეთის საელჩო, ქალაქ ვარშავაში მოკლული საქართველოს მოქალაქის ოჯახს სამძიმარს უცხადებს. ამის შესახებ პოლონეთის რესპუბლიკის საელჩოს განცხადებაშია ნათქვამი.

„ღრმა მწუხარებას გამოვხატავთ და სამძიმარს ვუცხადებთ ვარშავაში მოკლული საქართველოს მოქალაქის ოჯახს. საქმეზე გამოძიებას ამჟამად აწარმოებს პოლიცია და პროკურატურა. ამ ტრაგიკული შემთხვევის გარემოებების შესახებ დამატებითი ინფორმაციის მისაღებად უშუალოდ უნდა დაუკავშირდეთ პოლონეთის საგამოძიებო ორგანოებს ან ვარშავაში საქართველოს საელჩოს“, - აღნიშნულია განცხადებაში.

პოლონეთის დედაქალაქ ვარშავაში საქართველოს მოქალაქე მოკლეს. ამის შესახებ პოლონური გამოცემა Dorzeczy წერს.

მისივე ინფორმაციით, გასული ღამეს, ვარშავის ერთ-ერთ ჰოსპიტალთან ავტომობილი გაჩერდა, საიდანაც დაუდგენელმა პირებმა საქართველოს მოქალაქის ცხედარი გადმოაგდეს.

„ამ ეტაპზე პოლიცია ავტომობილში მყოფი პირების ვინაობის და 45 წლის მამაკაცის გარდაცვალების მიზეზების დადგენას ცდილობს. გამორიცხული არ არის, რომ ავტომობილში მყოფი პირებიც უცხოელები იყვნენ“, - წერს გამოცემა.

ექიმების ინფორმაციით, მამაკაცი მარჯვენა მხარში იყო დაჭრილი, სავარაუდოდ, ცივი იარაღით.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს