ათეა-ს დელეგაცია ევროსაბჭოს ადგილობრივ და რეგიონალურ ხელისუფლებათა კონგრესის მონიტორინგის კომიტეტის სხდომაში მონაწილეობდა

ათეა-ს დელეგაცია ევროსაბჭოს ადგილობრივ და რეგიონალურ ხელისუფლებათა კონგრესის მონიტორინგის კომიტეტის სხდომაში მონაწილეობდა.

როგორც „ინტერპრესნიუსს“ საქართველოს ადგილობრივ თვითმმართველობათა ეროვნული ასოციაციიდან (NALAG) აცნობეს, ქართული დელეგაცია ქალაქ ბელგრადში, ევროსაბჭოს ადგილობრივ და რეგიონალურ ხელისუფლებათა კონგრესის მონიტორინგის კომიტეტის სხდომაში მონაწილეობდა. დელეგაციის შემადგენლობაში საქართველოს ადგილობრივ თვითმმართველობათა ეროვნული ასოციაციისა (NALAG) და ევროსაბჭოს ადგილობრივ და რეგიონულ ხელისუფლებათა კონგრესის ვიცე-პრეზიდენტი თამარ ტალიაშვილი, ასევე ადგილობრივ თვითმმართველობათა და რეგიონთა პალატების წარმომადგენლები: ნინო ქავთარაძისა და ბექა დავითულიანი იყვნენ.

სხდომის მონაწილეებმა დღის წესრიგით გათვალისწინებულ 14 საკითხს შორის, ევროპის ოთხი ქვეყნის, ადგილობრივი და რეგიონული დემოკრატიის მონიტორინგის შედეგები განიხილეს. ასევე, წევრ ქვეყნებში ადგილობრივი თვითმმართველობების არჩევნების სადამკვირვებლო მისიის ანგარიშებზე, ადგილობრივ და რეგიონალურ დონეზე ადამიანის უფლებათა დაცვის საკითხებზე იმსჯელეს.

კომიტეტის წევრებმა შეხვედრის ბოლოს მომავალი სხდომის დღის წესრიგი განიხილეს.

ევროსაბჭოს ადგილობრივ და რეგიონალურ ხელისუფლებათა კონგრესის მონიტორინგის კომიტეტის სხდომა 7 თებერვალს გაიმართა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება