გამოკითხული გერმანელების უმეტესობა აშშ-ს მხრიდან საფრთხეს უფრო სერიოზულად აღიქვამს, ვიდრე რუსეთისა და ჩინეთის მხრიდან, - აღნიშნულს ცხადყოფს კვლევითი ორგანიზაცია Pew Research Center-ის მიერ გამოქვეყნებული კვლევა.

კერძოდ, კვლევის შედეგების თანახმად, გამოკითხული გერმანელების 49% აშშ-ს მზარდ გავლენაში და სიძლიერეში დიდ საფრთხეს ხედავს. ჩინეთთან მიმართებაში აღნიშნული მაჩვენებელი 33%-ს შეადგენს, ხოლო რუსეთს საფრთხედ რესპოდენტთა 30% განიხილავს.

გარდა ამისა, აშშ-ს პრეზიდენტის დონალდ ტრამპის პოლიტიკას გამოკითხულთა 10% ენდობა, ვლადიმერ პუტინს - 35%, ხოლო ჩინეთის ლიდერს სი ძინპინს კი 30%.