დარეჯან ცხვიტარია კირკიტაძის პატიმრობაში დატოვებაზე - ამ ქვეყანაში სამართალი არ არსებობს

ესენი არიან ივანიშვილის მონები. კირკიტაძეს არ აპატიეს საპრეზიდენტო არჩევნებში პირველი და მეორე ტურის მოგება, - ამის შესახებ ჟურნალისტებს გურჯაანის რაიონულ სასამართლოში დავით კირკიტაძის თანაპარტიელმა, დარეჯან ცხვიტარიამ განუცხადა.

მოსამართლე დავით ნარიმანიშვილის გადაწყვეტილებას, რომლის მიხედვითაც დავით კირკიტაძის მიმართ შეფარდებული აღკვეთის ღონისძიება, პატიმრობა, ძალაში დარჩა, კირკიტაძის თანაგუნდელებისა და მხარდამჭერების უკმაყოფილება მოჰყვა.

„რა დააშავა კირკიტაძემ, რა დანაშაული აქვს, გზა რომ გადაუკეტეს და გამიხსენითო, რომ თქვა? კიდევ რაღაც იმედი მქონდა, რომ დაუშვებდნენ რაღაც პრეცედენტს, რომ სამართალი იზეიმებდა, მაგრამ ამ ქვეყანში სამართალი არ არსებობს. სანამ ივანიშვილი იარსებებს, ამ ქვეყანში ფასეული და ღირსეული არაფერი იარსებებს", - განაცხადა ცხვიტარიამ.