ათონელის რეზიდენციაში მცირედი სამუშაოები კიდევ არის დარჩენილი, - ამის შესახებ სახელმწიფო დაცვის სპეციალური სამსახურის ხელმძღვანელმა ანზორ ჩუბინიძემ ათონელის რეზიდენციის რეაბილიტაციასთან დაკავშირებით ჟურნალისტებს განუცხადა.
"სახელმწიფო დაცვის სპეციალური სამსახურის სისტემაშია უზრუნველყოფის სააგენტო, რომელიც რეზიდენციებთან დაკავშირებულ სარემონტო სამუშაოებს უზრუნველყოფს. გიდასტურებთ, რომ სამუშაოები მიმდინარეობს და გარკვეული მცირედი სამუშაოები კიდევ არის დარჩენილი. რა ვადა დასჭირდება დასრულებას ვერ გეტყვით, რადგან ჯერ კიდევ მიმდინარეობს გარკვეული სარემონტო-სარეაბილიტაციო სამუშაოების შესრულება", -განაცხადა ჩუბინიძემ.
შეგახსენებთ, რომ საქართველოს მეხუთე პრეზიდენტი სალომე ზურაბიშვილი ავლაბრის რეზიდენციის ნაცვლად, ათონელის რეზიდენციაში მუშაობს.
იხილეთ ვიდეო: "ათონელის რეზიდენციაში მცირე სამუშაოებია დარჩენილი" - ანზორ ჩუბინიძე