საგანგებო სიტუაციების მართვის სამსახურის ინფორმაციით, თევდორე მღვდლის ქუჩაზე გაჩენილი ხანძარი ლოკალიზებულია.

შესაბამისად, როგორც „ინტერპრესნიუსს“ უწყებაში განუცხადეს, ხანძრის გავრცელების საშიშროება აღარ არსებობს. შემთხვევის შედეგად არავინ დაშავებულა.

„ადგილზე რჩება 16 სახანძრო-სამაშველო ბრიგადა და ამ წუთებში ხანძრის სალიკვიდაციო სამუშაოები მიმდინარეობს“, - აღნიშნეს უწყებაში.

დამწვარია 200-250 კვადრატული მეტრი ფართი. ხანძრის მიზეზი უცნობია.

ცეცხლი მეორადი ტანსაცმლის საწყობში გაჩნდა.