ბათუმში მაღალსართულიანი კორპუსების მშენებლობის წინააღმდეგ აქცია იმართება
"ქალაქის მერია ბათუმის მტერია", "შეწყდეს ბათუმის ნგრევა და მაღალი კორპუსების მშენებლობა", - ამ ლოზუნგებით ბათუმში, ვარდების სკვერში მოქალაქეთა ნაწილი საპროტესტო აქციას მართავს. შეკრებილები აცხადებენ, რომ აჭარის მთავრობაში შექმნილი ე.წ. ზონალური საბჭო დაუყოვნებლივ უნდა გაუქმდეს, რადგან საბჭო ქალაქში ინვესტიციების მოზიდვის სახელით ბათუმს აბეტონებს.
აქციის მონაწილეები ასევე ბათუმის მერიას მოუწოდებენ, რომ პორტში ქიმიური ტერმინალის მშენებლობის ნებართვას გარემოს ზედამხედველობის ანგარიშის გარეშე ხელი არ მოაწეროს. აქციის მონაწილეები მიიჩნევენ, რომ კონკრეტული მაღალჩინოსნების კერძო ინტერესები იკვეთება, რაც კორუფციის ეჭვებს ბადებს.
შეკრებილები ამბობენ, რომ თუ მათ მოთხოვნებს არ გაითვალისწინებენ, რადიკალურ ზომებს მიმართავენ და პერნამენტულ აქციებს გამართავენ.
v-if="article.gallery" v-html="article.gallery"
