პარლამენტის მუდმივმოქმედი დელეგაცია ეუთო-ს საპარლამენტო ასამბლეის ზამთრის სესიაში მიიღებს მონაწილეობას

სოფიო ქაცარავას ხელმძღვანელობით, პარლამენტის მუდმივმოქმედი დელეგაცია ეუთო-ს საპარლამენტო ასამბლეის ზამთრის სესიაში მიიღებს მონაწილეობას. ამის შესახებ ინფორმაციას პარლამენტის პრესსამსახური ავრცელებს.

სესიის მთავარ განსახილველ საკითხებს ეუთო-ს სივრცეში არსებული კონფლიქტები, ადამიანის უფლებები და ამ მიმართულებებით არსებული გამოწვევები წარმოადგენს.

დელეგაციის შემადგენლობაში არიან ეუთო-ს საპარლამენტო ასამბლეის პრეზიდენტი გიორგი წერეთელი და საპარლამენტო უმრავლესობის ლიდერი არჩილ თალაკვაძე.

ვიზიტის ფარგლებში, დელეგაციის წარმომადგენლები ყურადღებას გაამახვილებენ საქართველოს ოკუპირებულ ტერიტორიებზე და ამ ტერიტორიებზე ადამიანის უფლებების მძიმე ვითარებაზე, უსაფრთხოების მიმართულებით არსებულ გამოწვევებზე.

სოფიო ქაცარავა და არჩილ თალაკვაძე ისაუბრებენ ქვეყნის მთავარ პრიორიტეტებზე, საქართველოში უკვე განხორციელებულ და მიმდინარე რეფორმებზე. საქართველოს პარლამენტის მუდმივმოქმედი დელეგაციის წარმომადგენლები ვიზიტის ფარგლებში, ასევე მონაწილეობას მიიღებენ საკომიტეტო მუშაობაში და გამართავენ ორმხრივ შეხვედრებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა