ფრანკ ვალტერ შტაინმაიერი - საქართველომ განვითარების შთამბეჭდავი გზა გაიარა, მოხარული ვიქნებოდი თქვენი ქვეყნის განვითარების კიდევ ერთი ეტაპი მენახა

ვაკვირდებოდით საქართველოში საპრეზიდენტო არჩევნების მიმდინარეობას, პროცესი ხისტად მიმდინარეობდა მაგრამ კარგად იყო ადმინისტრირებული და სამართლიანად ჩატარდა, - ამის შესახებ გერმანიის პრეზიდენტმა ფრანკ ვალტერ შტაინმაიერმა საქართველოს პრეზიდეტთან შეხვედრისას განაცხადა.

შტაინმაიერი იმედოვნებს, რომ პოლიტიკური მოთამაშეები დაუბრუნდებიან თანამშრომლობის ფორმატს, რაც საშუალებას მისცემს ქვეყანას, მნიშვნელოვანი რეფორმები განახორციელოს.

„ჩვენ ვისაუბრეთ საქართველოს შიდა პოლიტიკაზე, ვაკვირდებოდით საპრეზიდენტო არჩევნებს და მის მიმდინარეობას, ვნახეთ და ვიგრძენით კიდეც, რომ საარჩევნო პროცესი ხისტად მიმდინარეობდა, მაგრამ ჩვენ ვნახეთ, რომ ეუთოს სადამკვირვებლო მისიამ თქვა, რომ ეს არჩევნები პროფესიონალურად იყო მომზადებული, კარგად იყო ადმინისტრირებული და სამართლიანად ჩატარდა. გვაქვს იმედი და დარწმუნებული ვართ, რომ ძლიერი პოლარიზაცია, რომელმაც თავი იჩინა საარჩევნო პროცესში, არ დარჩება და პოლიტიკური მოთამაშეები დაუბრუნდებიან თანამშრომლობის ფორმატს, დიალოგს, რაც საშუალებას მოგცემთ საქართველოში განახორციელოთ რეფორმები. საქართველომ განვითარების შთამბეჭდავი გზა გაიარა. მოხარული ვიქნებოდი, რომ თქვენი ქვეყნის განვითარების კიდევ ერთი ეტაპი მენახა“, - განაცხადა შტაინმაიერმა.

შტაინმაიერის განცხადების ქართულენოვან თარგმანს ტელეკომპანია „იმედი“ ავრცელებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)