ეკა ბესელია - ირაკლი კობახიძეს კონსტიტუციის ღირებულებები მაშინ ახსოვდა, დამფრთხალი თვალებით რომ მელაპარაკებოდა დეკემბრის ბოლო კვირას - „ქალბატონო ეკა, დანიშნეთ რა კომიტეტის სხდომა პარასკევსო“?!

ირაკლი კობახიძეს კონსტიტუციის ღირებულებები მაშინ ახსოვდა, დამფრთხალი თვალებით რომ მელაპარაკებოდა დეკემბრის ბოლო კვირას - „ქალბატონო ეკა, დანიშნეთ რა კომიტეტის სხდომა პარასკევსო?“, - ამის შესახებ საპარლამენტო უმრავლესობის წევრმა ეკა ბესელიამ პარლამენტის პლენარულ სხდომაზე სიტყვით გამოსვლისას განაცხადა. მან პარლამენტის თავმჯდომარე ირაკლი კობახიძე მისი განცხადებების გამო გააკრიტიკა.

„მე მინდა, რომ ირაკლი კობახიძე ახლა აქ იჯდეს. მე არ მჩვევია ადამიანის ზურგს უკან საუბარი, მაგრამ პირდაპირ ეთერში გადის და ალბათ, მოისმენს. ირაკლი კობახიძეც კონსტიტუციის ღირებულებებზე რომ მელაპარაკებოდა აქ, კონსტიტუციის ღირებულებები ახსოვდა მაშინ, დამფრთხალი თვალებით რომ მელაპარაკებოდა დეკემბრის ბოლო კვირას - „ქალბატონო ეკა, დანიშნეთ რა კომიტეტის სხდომა პარასკევსო“. სად იყო მაშინ კონსტიტუციის ღირებულებების დაცვა, როდესაც პარლამენტის თავმჯდომარემ ვერ გაბედა და წინააღმდეგობა ვერ გაუწია იმ ბიჭებს? თავი დაანებეთ მიზეზების ძებნას და ხელების გაშვერას. „ნაციონალურ მოძრაობასთან“ გინდათ პარალელების გავლება? მათ ლევან გოგიჩაიშვილი ციხეში ჩააგდეს, ჩვენი თანაგუნდელების სკოლის მოსწავლე შვილი დაიჭირეს, ჩემი ძმა მძევლად ჰყავდათ. მე მათ არასოდეს ვაპატიებ იმას, რასაც სჩადიოდნენ და არც მიპატიებია, სხვებისგან განსხვავებით არ ვკურკურებ და კულისებში არ ვეთამაშები მათ“, - განაცხადა ეკა ბესელიამ.

იხილეთ ვიდეო

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს