მირზა სუბელიანი - ამ პერიოდში გამოვსწორდი, თუმცა თუ საზოგადოებისთვის საჭიროა, ვიჯდები

თუ საზოგადოებისთვის საჭიროა მე ვიჯდები, არ არის პრობლემა, - ამის შესახებ ხორავას ქუჩაზე მომხდარი მკვლელობის შეუტყობინებლობის ბრალდებით დაკავებულმა მირზა სუბელიანმა სასამართლო სხდომაზე განაცხადა.

მოსამართლე მისთვის აღკვეთი ღონისძიების შეცვლის საკითხს განიხილავდა რა დროსაც მხარეებმა საკითხთან დაკავშირებით საკუთარი პოზიცია დააფიქსირეს. პროკურატურამ მირზა სუბელიანის პატიმრობაში დატოვება მოითხოვა.

დაცვის მხარემ კი, მირზა სუბელიანისთვის აღკვეთი ღონისძიების სახედ გირაოს 5 ათასი ლარის გამოყენება და სასჯელაღსრულების დაწესებულებიდან გათავისუფლება შესთავაზა სასამართლოს.

საკითხთან დაკავშირებით პოზიცია დააფიქსირა მირზა სუბელიანმა.

„თუ საზოგადოებისთვის საჭიროა, მე ვიჯდები. არ არის პრობლემა. ამ პერიოდში გამოვსწორდი", - განაცხადა მირზა სუბელიანმა.

ამჟამად მოსამართლე გადაწყვეტილების მისაღებად არის გასული.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში