„თბილავიამშენის“ თანამშრომლები დღეს საპროტესტო აქციას გამართავენ. ამის შესახებ „ინტერპრესნიუსს“ საქართველოს პროფესიული კავშირების გაერთიანებიდან აცნობეს.

მათივე ინფორმაციით, „თბილავიამშენის“ თანამშრომლების გაფიცვა 09:00 საათზე დაიწყება. საწარმოში დასაქმებულები სამუშაო პირობების გაუმჯობესებას ითხოვენ და ღირსეული შრომის ანაზღაურებისთვის ბრძოლას იწყებენ.

„21 დღიანმა სამედიაციო პროცესმა, სამწუხაროდ, შეთანხმების გარეშე ჩაიარა. დასაქმებულებს სხვა გზა აღარ დარჩათ და პროტესტის მძიმე ფორმას მიმართავენ”, -აღნიშნულია საქართველოს პროფესიული კავშირების მიერ გავრცელებულ განცხადებაში.