ბადრი ჯაფარიძე - კონტექსტიდან ამოგლეჯით ცდილობენ ეჭვი გააჩინონ, თითქოს რაღაც მოხდა - ჩვენი ყველაზე დიდი იარაღი არის გამჭვირვალობა

ანაკლიის პროექტი ვითარდება. მას ხელს ვერაფერი შეუშლის, - ამის შესახებ "თიბისი ბანკის“ თანადამფუძნებელმა ბადრი ჯაფარიძემ ჟურნალისტებს განუცხადა.

ჯაფარიძის თქმით, ყველა ფინანსური ინსტიტუტი ანაკლიის პორტის პროექტში თანამშრომლობისთვის მზაობას გამოთქვამს.

„ინსტიტუტები, რომელთანაც ვმუშაობთ, არიან:- "ევროპის რეკონსტრუქციისა და განვითარების ბანკი, "ოპიკი", "აზიის განვითარების ბანკი"... ყველა ეს ბანკი მუშაობს ჩვენთან, ჩვენ ჯგუფთან, ჩვენთან, როგორც ანაკლიის პროექტის დამფუძნებლებთან. მათ უნდათ ჩვენთან ერთად მუშაობა და მათ უნდათ ქვეყნისთვის ამ უმნიშვნელოვანეს პროექტში მონაწილეობა. იმედი მაქვს, რომ ყველას ესმის პასუხისმგებლობა თავისი ქვეყნის მიმართ იმისთვის, რომ ეს პროცესი წარიმართოს ქვეყნის სასიკეთოდ," - განაცხადა ბადრი ჯაფარიძემ.

რაც შეეხება პროკურატურაში გაკეთებული განცხადების იმ ნაწილს, რომელიც "თიბისი ბანკის“ მიერ არჩევნებამდე სამი დღით ადრე, ოფშორულ კომპანიაზე ვალდებულებების გადაფორმებას უკავშირდება, ბადრი ჯაფარიძე ამბობს, რომ ამაში საგანგაშოს და დარღვევას ვერ ხედავს.

"მე არ ვიცი, ეს კონკრეტული რატომ იქნა ნახსენები და რა არის აქ საშინელება არ მესმის. ეს არის ჩემი აზრით, კიდევ ერთხელ ნახსენები კონტექსტიდან ამოგლეჯილად იმისთვის, რომ ეჭვი გააჩინონ, თითქოს რაღაც მოხდა. ჩვენი ყველაზე დიდი იარაღი არის გამჭვირვალობა, ამიტომაც მივედით კომიტეტში და კიდევ მივალთ," - აღნიშნა ჯაფარიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს