გენერალური პროკურატურა ადასტურებს, რომ „თიბისი ბანკის“ საქმეზე, შესაძლოა, ბანკის გენერალური დირექტორი ვახტანგ ბუცხრიკიძე გამოიკითხოს. როგორც „ინტერპრესნიუსს“ გავრცელებულ ინფორმაციაზე კომენტირებისას პროკურატურაში განუცხადეს, ზუსტი თარიღი, როდის მოხდება ამა თუ იმ პირის პროკურატურაში მისვლა, ჯერჯერობით უცნობია.
„გამოიკითხება ყველა ის პირი, ვინც საქმესთან შემხებლობაშია. რაც შეეხება დროს და თარიღს, ამის შესახებ პროკურატურა დამატებით აცნობებს საზოგადოებას“, - აცხადებენ პროკურატურაში.
თავის მხრივ, „თიბისიში“ აცხადებენ, რომ ვახტანგ ბუცხრიკიძის გამოკითხვაზე დაბარების შესახებ ოფიციალური ინფორმაცია არ აქვთ.
გავრცელებული ინფორმაციით, პროკურატურა „თიბისი ბანკის“ საქმეზე ვახტანგ ბუცხრიკიძის გამოკითხვას გეგმავს, რომელიც შესაძლოა, საგამოძიებო უწყებაში მიმდინარე კვირას დაიბარონ .