ფინანსთა სამინისტროს სახაზინო ვალდებულებების აუქციონზე 40 000 000 ლარის ნომინალური ღირებულების 364-დღიანი ვადიანობის ფასიანი ქაღალდები გაიყიდა.

როგორც „ინტერპრესნიუსს“ ეროვნული ბანკიდან აცნობეს, აუქციონში მონაწილეობა მიიღო ოთხმა კომერციულმა ბანკმა.

„მოთხოვნამ შეადგინა 67 000 000 ლარი. მინიმალური საპროცენტო განაკვეთი 6.760 %-ით, მაქსიმალური 6.890%-ით, ხოლო საშუალო შეწონილი 6.876%-ით განისაზღვრა“, - ნათქვამია სებ-ის ინფორმაციაში.