სერგი კაპანაძე - პროკურატურა არის ინსტრუმენტი ივანიშვილის ხელში და გამოიყენება „თიბისის“ წინააღმდეგ შეტევაში

პროკურატურა არის ინსტრუმენტი ივანიშვილის ხელში და გამოიყენება „თიბისის“ წინააღმდეგ ამ შეტევაში, - ამის შესახებ „ევროპული საქართველოს“ წევრმა სერგი კაპანაძემ მათ მიერ ინიცირებული ინიციატივის შესახებ განაცხადა, რომელიც „თიბისი ბანკის“ საქმეზე პარლამენტში დროებითი საგამოძიებო კომისიის შექმნას გულისხმობს.

სერგი კაპანაძის თქმით, მმართველ გუნდს მხოლოდ ერთი არგუმენტი გააჩნია დროებითი საგამოძიებო კომისიის წინააღმდეგ, რომელიც პროკურატურის დალოდებას გულისხმობს.

„ევროპულმა საქართველომ“ დღეს მოახდინა საგამოძიებო კომისიის შექმნის ინიცირება, რომელმაც უნდა შეისწავლოს „თიბისი ბანკის“ და მისი დამფუძნებლების წინააღმდეგ შეტევის ფაქტები, რომელიც მომდინარეობს ხელისუფლების მხრიდან. ბუნებრივია, კონტრარგუმენტი, რაც ჩვენ მოვისმინეთ თავმჯდომარისგან არის ის, რომ პროკურატურას უნდა დაველოდოთ, მაგრამ პროკურატურა დღეს არის სრულიად დისკრედიტირებული. პროკურატურა არის ინსტრუმენტი ივანიშვილის ხელში და გამოიყენება სწორედ ამ შეტევაში "თიბისის" წინააღმდეგ, ხოლო პარლამენტი არის ერთადერთი ორგანო, რომელსაც ძალა შესწევს და შეუძლია, რომ ეს საგამოძიებო კომისია შექმნას და ნათელი მოჰფინოს ამ საქმეს“, - განაცხადა სერგი კაპანაძემ.

მისი თქმით, თუ უმრავლესობის დეპუტატები მხარს არ დაუჭერენ ამ ინიციატივას, ისინი აიღებენ პასუხისმგებლობას იმაზე, რომ „თიბისის“ გარშემო ატეხილი აჟიოტაჟი სწორედ ხელისუფლებისგან არის განპირობებული.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო