ბოტანიკურ ბაღში ტრენინგი - „მავნებლებთან   ბრძოლის უსაფრთხო ღონისძიებები და თანამედროვე ტექნოლოგიები“ დაიწყო

საქართველოს ეროვნულ ბოტანიკური ბაღში ტრენინგი - „მავნებლებთან და დაავადებებთან ბრძოლის უსაფრთხო ღონისძიებები და თანამედროვე ტექნოლოგიები“ დაიწყო.

„საქართველოს ეროვნული ბოტანიკური ბაღის“ მიერ გავრცელებული ინფორმაციით, ტრენინგი თურქეთის თანამშრომლობისა და კოორდინაციის სააგენტოს (TIKA) მიერ დაფინანსებული პროექტის - „საქართველოს ეროვნულ ბოტანიკურ ბაღში მცენარეთა დაცვის ეფექტურობის გაზრდის ხელშეწყობის“ ფარგლებში მიმდინარეობს.

ტრენინგის ფარგლებში, მცენარეთა დაცვის სფეროს წამყვანი უცხოელი სპეციალისტები ბოტანიკური ბაღის, ეკოსერვის ჯგუფისა და თბილისის მერიის გარემოს დაცვის საქალაქო სამსახურის 16 სპეციალისტს გადაამზადებენ.

ეროვნული ბოტანიკური ბაღის დირექტორის თქმით, თურქულმა მხარემ პროექტის ფარგლებში ბოტანიკურ ბაღს თანამედროვე ტექნოლოგიებიც გადასცა.

„საქართველოს ეროვნული ბოტანიკური ბაღი, 2018 წლის დასაწყისიდან, თურქეთის თანამშრომლობისა და კოორდინაციის სააგენტოსთან თანამშრომლობს. მათთან ერთად ჩვენ განვახორციელეთ საგრანტო პროექტი მავნებლებთან და დაავადებებთან ბრძოლის უსაფრთხო ღონისძიებების გაძლიერებასთან დაკავშირებით, რომლის ფარგლებშიც ბოტანიკური ბაღის მცენარეთა დაცვის ლაბორატორია ტექნიკური საშუალებებით აღჭურვა. TIKA-მ ბოტანიკურ ბაღს გადასცა ახალი თანამედროვე ტექნოლოგიები, რაც ხელს შეუწყობს მცენარეთა კვლევას და მათ შემოწმებას არბოტომის აპარატის მეშვეობით, რომელიც ახდენს მცენარის მერქანში მიმდინარე პროცესების სკანირებას და გვაძლევს ინფორმაციას მცენარის შესაძლო დაავადებების შესახებ. აღნიშნული ტექნოლოგიის საშუალებით მოხდება მცენარეთა გაჯანსაღების ისეთი მეთოდოლოგიის დანერგვა, როგორიცაა საინექციო საშუალებებით საკვები მინერალების მცენარის ორგანიზმში მოხვედრა არა ფესვური და ფოთლოვანი გამოკვებიდან, არამედ მერქნიდან, რათა დაჩქარდეს დაავადებული მცენარის აღდგენის ღონისძიებები. ეს ტექნოლოგია საქართველოში პირველად ბოტანიკურ ბაღში დაინერგება“, - განაცხადა თამაზ დარჩიძემ.

მისივე თქმით, თანამშრომლობის მეორე ეტაპია კადრების გადამზადება მცენარეთა დაცვის თანამედროვე ღონისძიებების მიმართულებით, რაც ამჟამად მიმდინარეობს.

ცნობისთვის, თურქეთის თანამშრომლობისა და კოორდინაციის სააგენტომ (TIKA) ეროვნულ ბოტანიკურ ბაღს 140 000 ლარის ღირებულების სპეციალური ტექნიკა 2018 წლის 9 აგვისტოს გადასცა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს