საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გრიგოლ გიორგაძე და სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი ზუგდიდში, ომის ვეტერან დევნილებს შეხვდნენ. ინფორმაციას ჯანდაცვის სამინისტრო ავრცელებს.

გრიგოლ გიორგაძის განცხადებით, მიმდინარე წელს, სამინისტრო სპეციალურ პროგრამას იწყებს, რომლის ფარგლებშიც, პრიორიტეტი ომის ვეტერანი დევნილების გრძელვადიან განსახლებას მიენიჭება.

შეხვედრაზე მინისტრის მოადგილემ ომის ვეტერანი დევნილების შეკითხვებს უპასუხა, მათი საჭიროებები მოისმინა და დახმარება აღუთქვა.