სამოქალაქო აქტივისტებმა სოფელი ხურვალეთის შესასვლელი დატოვეს. როგორც ანტისაოკუპაციო მოძრაობა "ძალა ერთობაშიას" აქტივისტმა დავით ქაცარავამ ჟურნალისტებს განუცხადა, ისინი ახალ მოთხოვნას აყენებენ და ითხოვენ, სამართალდამცავებმა სოფელ ხურვალეთში, საოკუპაციო ხაზთან 24-საათიან რეჟიმში პატრულირება მოახდინონ.
„ჩვენ აქედან მივდივართ, მაგრამ ვაფიქსირებთ ჩვენს მოთხოვნას, რომ პოლიცია 24 საათიან რეჟიმში პატრულირებდეს ბაღებში. ჩვენ გავაგრძელებთ ჩვენს პატრულირებას, რასაც 21 თვის განმავლობაში ვაწარმოებთ საოკუპაციო ხაზთან", - განაცხადა ქაცარავამ.
სამოქალაქო აქტივისტები ახლა სოფელ ატოცისკენ მიემართებიან.
იხილეთ ვიდეო: სამოქალაქო აქტივისტები სოფელ ხურვალეთში 24-საათიან რეჟიმში პატრულირებას ითხოვენ