დავით ქაცარავა - მოსახლეობაზე ფსიქოლოგიური ზეწოლა მიმდინარეობს, ისინი დღეს აცხადებენ, რომ რუს სამხედროებს საქართველოს კონტროლირებადი ტერიტორია არ გადმოულახავთ
ანტისაოკუპაციო მოძრაობა „ძალა ერთობაშიას" აქტივისტმა დავით ქაცარავამ სოფელ ხურვალეთის შესასვლელთან განაცხადა, რომ მოსახლეობაზე ფსიქოლოგიური ზეწოლა მიმდინარეობს, რადგან გუშინდელი დღისგან განსხვავებით, დღეს აცხადებენ, რომ რუს სამხედროებს საქართველოს კონტროლირებადი ტერიტორია არ გადმოულახავთ.
„ქალბატონი ხუროშვილის საკუთრებაშია ერთ-ერთი ბაღი. დღეს მან თქვა, რომ არავითარი რუსი არ შემოსულა. გუშინ მან ინტერვიუში განაცხადა, რომ რუსებმა წაიღეს მისი ბაღი და რომ იქ იმყოფებოდნენ. დღეს საპირისპიროს აცხადებს. დღევანდელი მისი განცხადება ადასტურებს, რომ მოსახლეობა ძალიან სერიოზული ფსიქოლოგიური წნეხის ქვეშ იმყოფება. მოსახლეობაზე ზეწოლა მიმდინარეობს. ჩვენ ვეყრდნობით ლუდა სალიასა და ხუროშვილის გუშინდელ განცხადებას, რომელიც აბსოლუტურად გულწრფელი იყო", -განაცხადა ქაცარავამ.
v-if="article.gallery" v-html="article.gallery"
