მოსკოვი აუცილებლად უპასუხებს ქერჩის სრუტეში მომხდარი ინციდენტის გამო ევროკავშირის მიერ რუსეთის მოქალაქეებისათვის დაწესებულ სანქციებს, - ამის შესახებ რუსეთის საგარეო საქმეთა სამინისტროს განცხადებაშია ნათქვამი.

„ჩვენი თანამოქალაქეების ევროკავშირის არალეგიტიმურ სასანქციო სიაში შეყვანის საბაბი, ფარისევლობითა და ცინიზმით, გვაოცებს. ძირითადად საუბარია ФСБ-ს სასაზღვრო სამსახურის თანამშრომლებზე, რომლებიც მამაცურად ასრულებენ თავიანთ მოვალეობებს და ჩვენი ქვეყნის საზღვრებს იცავენ. თან გამოდის, რომ ჩვენი მესაზღვრეების ბრალეულობა ის არის, რომ 2018 წლის 25 ნოემბერს უკრაინის ხელისუფლების მიერ ორგანიზებული პროვოკაცია აღკვეთეს ქერჩის სრუტეში. რუსეთი უპასუხოდ არ დატოვებს ევროკავშირის ამ არამეგობრულ ქმედებას“, - ნათქვამია რუსეთის საგარეო უწყების განცხადებაში.

შეგახსენებთ, რომ გუშინ ევროკავშირმა ქერჩის სრუტეში მომხდარი ინციდენტის გამო ФСБ-ს სასაზღვრო სამსახურის რვა თანამშრომელი სასანქციო სიაში შეიყვანა.