მამუკა მდინარაძე - ხურვალეთში პანიკის საფუძველი არ არის - რამდენად არ უნდა გიყვარდეს შენი ქვეყანა, რომ როდესაც პრობლემები ისედაც არ გაკლია, ახალი მოიგონო

ხურვალეთში არაფერი ხდება და პანიკის საფუძველი არ არსებობს, - ამის შესახებ ჟურნალისტებს ფრაქცია „ქართული ოცნების“ თავმჯდომარემ მამუკა მდინარაძემ განუცხადა.

მამუკა მდინარაძის თქმით, გარკვეულმა პოლიტიკოსებმა ხურვალეთთან დაკავშირებით გუშინდელი მოვლენები უარყოფითი დღის წესრიგის შესაქმნელად გამოიყენა.

„რამდენად არ უნდა გიყვარდეს შენი ქვეყანა, როდესაც პრობლემები ისედაც არ გაკლია და ახალი პრობლემები მოიგონო. ჩვენ არ გვჭირდება პრობლემების მოგონება, ჩვენ პრობლები ისედაც გვაქვს საოკუპაციო ზოლთან. ამ პრობლემების გადაჭრაზე მუშაობენ მთელი სახელისუფლებო ვერტიკალი და ჩვენი უცხოელი პარტნიორები. ყველაფერს ვაკეთებთ იმისთვის, რომ მოვახდინოთ პრევენცია. ამ დროს პრობლემების მოგონება, მერე კომენტარების კეთება პოლიტიკური წრეებიდან არის სულ მცირე უხეში სპეკულაცია. ამაზე უარესი სიტყვები არ მინდა გამოვიყენო და თავისი სახელი დავარქვა. ჩემს რეპუტაციას გავუფრთხილდები და მხოლოდ ვიტყვი, რომ ის რაც იკადრეს ჩვენმა ოპონენტებმა იმისთვის, რომ ნეგატიური „აჯენდა“ შეექმნათ, სახელს არ დავაქმევ“, - განაცადა მამუკა მდინარაძემ.

მისივე თქმით, მოსახლეობაში შესაძლოა გავრცელებულიყო გარკვეული ინფორმაცია, თუმცა პოლიტიკოსებს ამბის გადამოწმებამდე კომენტარები არ უნდა გაეკეთებიანთ.

„ხომ არის საკითხები, რაც არ უნდა გამოიყენო პოლიტიკური მიზნებისთვის. ხურვალეთში არანაირი განგაშის საფუძველი არ არსებობს“, - განაცხადა მამუკა მდინარაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს