ექსპერტი ირაკლი კვარაცხელიას გარდაცვალებაზე - მკვლელობა იყო თუ თვითმკვლელობა,  ნებისმიერ შემთხვევაში,   ადგილი ჰქონდა არაადამიანურ მოპყრობას

ადამიანების გატაცების ფაქტი, უკანონო პატიმრობა რუსეთის მიერ კონტროლირებად ტერიტორიაზე არაოფიციალურ საპატიმროში, უკვე არის არაადამიანური მოპყრობა, - ამის შესახებ ექსპერტიზის ბიურო „ემპათიას“ ხელმძღვანელმა მარიამ ჯიშკარიანმა განაცხადა, რომელმაც აფხაზეთში გარდაცვლილი ირაკლი კვარაცხელიას ოჯახს მიუსამძიმრა.

„მკვლელობა იყო თუ თვითმკვლელობა, ნებისმიერ შემთხვევაში, ადგილი აქვს ადამიანის გარდაცვალებას საპატიმროში. რაც იმას ნიშნავს, რომ ადგილი ჰქონდა არაადამიანურ მოპყრობას. რა იყო და როგორ იყო, ამას უკვე კომპლექსური ექსპერტიზის დასკვნით გახდება ცნობილი, რომელსაც „ემპათია“ მოამზადებს გამოძიების ყველა მასალებზე დაყრდნობით. ასევე, უნდა გამოვითხოვოთ სოხუმის ექსპერტიზის დასკვნა, ასევე უნდა მივმართოთ რუსეთის ფედერაციას, ატარებს თუ არა გამოძიებას და რა ვითარებაში მოხდა ამ ადამიანის გარდაცვალება. ჯერ ვერავინ ვერ იტყვის, ეს მკვლელობაა თუ თვითმკვლელობა.თვითმკვლელობაც რომ ყოფილიყო, აქამდე ადამიანი მიჰყავს რაღაცას. წინასწარი დათვალიერებით, იყო ერთეული დაზიანებები, მე ამაზე ზუსტად ვერ გესაუბრებით, რადგან აღებულია ქსოვილოვანი მასალა და გაგზავნილია ექსპერტიზაზე. პირველადი ექსპერტიზა დაადგენს, იყო ეს დაზიანებები სიცოცხლის დროინდელი, რა წარმოშობისაა და გარდაცვალების მიზეზებზეც ვიმსჯელებთ“, - განაცხადა ჯიშკარიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს