მისთვის კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია, - ამის შესახებ "ინტერპრესნიუსს" პარტია "ქართული ოცნების" წევრმა, ირაკლი ბერაიამ, იურიდიულ საკითხთა კომიტეტის სხდომაზე მომხდარი ინციდენტის შემდგომ განუცხადა.

როგორც ბერაიამ აღნიშნა, მან კახიძეს კორექტულობისკენ მოუწოდა, რასაც კახიძის მხრიდან გაღიზიანება მოჰყვა.

"დამრჩა განცდა, რომ ოთო კახიძეს უნდოდა კომიტეტიდან წასვლა და ასეთი კრეატიული საშუალება მოიფიქრა. მე ვსაუბრობდი, მინდოდა შეკითხვის დასმა, რისი საშუალებაც მან არ მომცა. მივუთითე კორექტულობისკენ, რამაც ინციდენტი გამოიწვია. მისთვის კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია," - განაცხადა ირაკლი ბერაიამ.

რაც შეეხება იმას, რომ ოთარ კახიძემ საზოგადოებას მომხდარის გამო ბოდიში მოუხადა, ბერაიას თქმით, კახიძე „კარგად მოქცეულა“.