თბილისის საქალაქო სასამართლოში 9 წლის ნანა ბერიაშვილის მკვლელობაში ბრალდებულის იაგო ნებიერიძის სისხლის სამართლის საქმეზე პროცესი გაიმართა. დღევანდელ სხდომაზე პროკურატურის 6 მოწმე დაიკითხა.
როგორც სხდომის დასრულების შემდეგ პროკურორმა ნანა გუგუტიშვილმა ჟურნალისტებს განუცხადა, პროცესს ესწრებოდა თავად ბრალდებული იაგო ნებიერიძე.
ნანა გუგუტიშვილის თქმით, ბრალდების მხარის მოწმეებმა საქმეში არსებულ სხვადასხვა გარემოებებზე ისაუბრეს და სასამართლოს მიაწოდეს ის ინფორმაცია, რაც მომხდართან დაკავშირებით მათთვის იყო ცნობილი.
„დღევანდელ პროცესზე გამოცხადდა თავად ბრალდებული იაგო ნებიერიძე, რომელიც მონაწილეობდა საქმის მტკიცებულებების გამოკვლევაში. დღეს პროცესზე ასევე დაიკითხა დაზარალებულის უფლებამონაცვლე, რომელმაც ჩვენება მისცა და სასამართლოს დაუფიქსირა მისი პოზიცია და მოთხოვნა კონკრეტულ სისხლის სასართლის საქმეზე", - განაცხადა გუგუტიშვილმა.
შეგახსენებთ, რომ გორში 9 წლის ნანიკო ბერიაშვილი 25 ოქტომბერს გაუჩინარდა. ის რამდენიმე საათში სამართალდამცველებმა გარდაცვლილი იპოვეს. აღნიშნულთან დაკავშირებით, წარსულში ნასამართლევი იაგო ნებიერიძე დააკავეს.