ნიდერლანდებში, ქალაქ უტრეხტში გუშინ მომხდარ სროლას, რომლის შედეგად სამი ადამიანი დაიღუპა, პოლიციამ ტერაქტის კვალიფიკაცია მიანიჭა.

პოლიციის განცხადებით, მანქანაში, რომლითაც ეჭვმიტანილი გაქცევას ცდილობდა, აღმოჩენილია წერილი, რომელიც ტერაქტის კვალზე მეტყველებს.

შეგახსენებთ, რომ გუშინ ქალაქ უტრეხტში ტრამვაიში მამაკაცმა ცეცხლი გახსნა, რომლის შედეგად 3 ადამიანი დაიღუპა და 5 დაიჭრა. პოლიციამ 37 წლის გიოქმენ თანისზე ძებნა გამოაცხადა. მოგვიანებით ის და კიდევ ორი პირი პოლიციამ დააკავა.