როდესაც გუნდიდან მიდის ადამიანი, მას არ შეუძლია გუნდის პოზიცია დააფიქსიროს და დაიცვას მისი ინტერესი. ბუნებრივია გუნდი იღებს პოლიტიკურ გადაწყვეტილებას, - ასე აფასებს „ქართული ოცნების“ თავმჯდომარე მამუკა მდინარაძე უმრავლესობის ყოფილი წევრის ზვიად კვაჭანტირაძის გადაყენებას დიასპორის საკითხთა კომიტეტის თავმჯდომარეობიდან.

მისივე თქმით, გუნდი არ არის ორიენტირებული პარტიის წევრების განკვეთაზე, არამედ ორიენტირებულია პრობლემების აღმოფხვრაზე. მისივე განცხადებით, კვაჭანტირაძის გადაყენება არის პოლიტიკური გადაწყვეტილება და არა სამართლებრივი.

„"როდესაც გარკვეული ჩავარდნები და სისუსტეები არის გუნდში, მაშინ გუნდი ფიქრობს არა განკვეთაზე, არამედ პრობლემის აღმოფხვრაზე",- განაცხადა მამუკა მდინარაძემ.