ეკონომიკის მინისტრი გიორგი ქობულია მისი შესაძლო გადადგომის შესახებ ინფორმაციას ისევ უარყოფს.

ქობულიას ჟურნალისტებმა დღეს გავრცელებულ ინფორმაციაზე დაუსვეს კითხვა, რომლის მიხედვითაც მისი მოადგილე ნათია თურნავა ჩაანაცვლებს.

„ამ ინფორმაციას ვერ დავადასტურებ“, - განაცხადა ქობულიამ.

ეკონომიკის მინისტრის მიერ თანამდებობის შესაძლო დატოვების შესახებ ინფორმაცია უკვე რამდენიმე თვეა ვრცელდება.