ერაყში, მდინარე ტიგროსზე ბორნის ჩაძირვის შედეგად, 45 ადამიანი დაიღუპა
ერაყში, მდინარე ტიგროსზე ბორნის ჩაძირვის შედეგად, სულ მცირე 45 ადამიანი დაიღუპა. ამის შესახებ ინფორმაციას ადგილობრივი მედია ავრცელებს.
არსებული ინფორმაციით, ბორანი გადატვირთული იყო.
მაშველებმა წყლიდან 30 ადამიანი ამოიყვანეს. დანარჩენი ადამიანის შესახებ ჯერჯერობით ინფორმაცია არ ვრცელდება.
სულ ბორანზე 170 ადამიანი იმყოფებოდა. მგზავრების უმეტესობა ქალები და ბავშვები იყვნენ.
