ჭიათურაში საზოგადოებრივი მოძრაობის „მომავლის ჭიათურას“ ორგანიზებით მერიის წინ საპროტესტო აქცია გაიმართა. აქციის სლოგანია „მოიშორე ტალახი“.
„ახალი ენერგიით, იდეებით და წრფელი გულით, ახალი თაობა ვიწყებთ ბრძოლას ჩვენი ქალაქის უკეთესი მომავლისთვის და ვიბრძოლოთ იმისთვის, რაც ჩვენს ქალაქს ყველაზე მეტად აწუხებს“, - განუცხადა „ინტერპრესნიუსს“ აქციის ორგანიზატორმა ნოდარ ჩაჩანიძემ.
აქციაზე ახალგაზრდებმა მოთხოვნებიც ჩამოაყალიბეს. ისინი ითხოვენ ჭიათურაში მანგანუმის მადნის მოპოვების და გადაზიდვის შედეგად გარემოს დაბინძურების ზუსტი მაჩვენებლების დადგენას, ჭიათურის ცენტრალურ ქუჩებზე მანგანუმის მადნით დატვირთული მძიმეწონიანი მანქანების მოძრაობის შეწყვეტასა და მისი რკინიგზით ან სხვა ალტერნატიული გზებით ტრანსპორტირებას.
