პოლიტიკური პლატფორმა „ახალი საქართველოს“ ლიდერი, გიორგი ვაშაძე განცხადებას ავრცელებს, სადაც ის „ნაციონალურ მოძრაობას“ დღევანდელ წარმატებულ კენჭისყრას, გრიგოლ ვაშაძეს კი თავმჯდომარედ არჩევას ულოცავს. ამის შესახებ „ინტერპრესნიუსს“ „ახალი საქართველოდან“ აცნობეს“.
"გაერთიანებული ოპოზიციის "ძალა ერთობაშია" ერთ-ერთ ლიდერს, ბატონ გრიგოლ ვაშაძეს ვულოცავ "ერთიანი ნაციონალური მოძრაობის" თავმჯდომარედ არჩევას. ვუსურვებ წარმატებას და გამარჯვებას, ერთიანი საქართველოს იდეისთვის ბრძოლაში!
ასევე, ვულოცავ "ნაცონალურ მოძრაობას" ამ მნიშვნელოვან დღეს და დღევანდელ წარმატებულ ყრილობას. დღეს გაერთიანებული ოპოზიცია იმაზე ძლიერია, ვიდრე იყო გუშინ, იმაზე ერთიანია, ვიდრე გუშინ!
ეს არის მნიშვნელოვანი ნაბიჯი, ჩვენ დავდექით ერთად და ჩავერთეთ ბრძოლაში, გვაქვს გამოსავლის კონკრეტული ფორმულა, რომ ერთხელ და სამუდამოდ დავამარცხოთ ის გაჭირვება, რომელშიც დღეს ვიმყოფებით!
ჩვენი კარი ღიაა ყველა პროდასავლური ორიენტაციის მქონე პარტიისთვის. ერთად ჩვენ შევცვლით! ძალა ერთობაშია! ძალა ხალხშია!"- განაცხადა ვაშაძემ.