"სამხრეთ ოსეთისა და აფხაზეთის საკითხზე ახლა არ ვისაუბრებ დეტალურად, - ასე უპასუხა იენს სტოლტენბერგმა ფინელი ჟურნალისტის კითხვას, არსებობს თუ არა რეალური შანსი საქართველო ნატო-ში ოკუპირებული ტერიტორიების დაბრუნებამდე გაწევრიანდეს.

„ნატო-ს მოკავშირეებმა ცხადად ახსენეს, რომ საქართველო უცილობლად გახდება ალიანსის წევრი. ჩვენ მხარს ვუჭერთ და ვეხმარებით საქართველოს ჩვენი სტანდარტების დაკმაყოფილებაში, რეფორმების განხორციელებაში და იმაში, რომ საქართველო მზად იყოს ჩვენი ალიანსის წევრობისთვის. „სამხრეთ ოსეთისა“ და აფხაზეთის საკითხზე ახლა არ ვისაუბრებ დეტალურად, თუმცა ჩვენ გავაგრძელებთ დახმარებას საქართველოსადმი ამ მიმართულებით", -განაცხადა იენს სტოლტენბერგმა.