მთავრობის კანცელარიასთან სოციალური სამსახურის თანამშრომლების აქციას ქუთაისიდან გაფიცული სოცმუშაკები შეუერთდნენ.

შეგახსენებთ, რომ სოც მუშაკებმა სოციალური მომსახურების სააგენტოს წინააღმდეგ დავა მიმდინარე წლის 8 თებერვალს დაიწყეს, თუმცა თვენახევრიანი მედიაციის პროცესი უშედეგო აღმოჩნდა. დამსაქმებელმა ვერ უზრუნველყო დასაქმებულთა მოთხოვნები, შესაბამისად სოც მუშაკებმა 25 მარტიდან გამოიყენეს კანონით მინიჭებული გაფიცვის უფლება. აქციები გაიმართა საქართველოს სხვა და სხვა რეგიონშიც, ბათუმში ქუთაისსა და კახეთში, მათი მოთხოვნები უცვლელია. გაფიცულები სამუშაო პირობების გაუმჯობესებას, ხელფასების მომატებას, ზეგანაკვეთური შრომის ანაზღაურებას, კადრების დამატებას, ტრანსპორტირებით უზრუნველყოფას მოითხოვენ.