სოციალური მომსახურების კახეთის სამხარეო სააგენტოს ოფისის სოციალური მუშაკები მეორე დღეა გაფიცულები არიან.

„ვართ გაფიცულები თქვენი და ჩვენი უფლებების დასაცავად" , - ამ შინაარსის წარწერები სამხარეო სააგენტოში დილით მისული თანამშრომლების ნაწილს დახვდა.

„ბენეფიციარების მომართვიანობა ეს დღეები არ არის. ვცდილობთ, ამ ეტაპზე სიტუაციის კონტროლი არ დავკარგოთ და დახმარება გავუწიოთ ბენეფიციარებს“, - აცხადებს სოციალური მომსახურების კახეთის სამხარეო სააგენტოს უფროსის მოადგილე დალი მოსიაშვილი.

შეგახსენებთ, საქართველოს მასშტაბით, სოციალური მუშაკები მეორე დღეა გაფიცულები არიან.