დევნილების ნაწილმა პარლამენტის წინ აქცია გამართა
დევნილების ნაწილმა პარლამენტის წინ აქცია გამართა. ისინი სახელმწიფოს ბინებით დაკმაყოფილებას სთხოვენ.
როგორც ერთ-ერთმა დევნილმა ფიქრია ცალანმა ,,ინტერპრესნიუსს“ განუცხადა, უკვე 26 წელია ითხოვენ საცხოვრებელ ფართებს და რამდენიმე მინისტრთან შეხვედრის მიუხედავად, მათ დამაკმაყოფილებელი პასუხი ვერ მიიღეს.
,,26 წელი ველოდებით ჩვენს კუთვნილ ფართებს. ვითხოვთ მინიჭებული ქულების გაუქმებას, რადაგან მას არ ვეთანხმებით. რამდენიმე მინისტრთან შეხვედრა გვქონდა, მაგრამ უშედეგოდ! ვერ მივიღეთ დამაკმაყოფილებელი პასუხი. ამ აქციებს იქამდე არ შევწყვეტთ, ვიდრე ფართებით არ დაგვაკმაყოფილებენ. ჩვენ არ ვართ პოლიტიკურად მართული, არ გვაინტერესებს არანაირი პოლიტიკური ძალა. ჩვენი აქცია მხოლოდ გაჭირვებული, უსახლკარო დევნილების აქციაა“, - განაცხადა ფიქრია ცალანმა.
