თედო ისაკაძე - ტაქსების თეთრად შეღებვა ახირება არ არის, თეთრ ფერზე რეკლამა კარგად ჩანს, რაც მძღოლებისთვის დამატებითი შემოსავლის წყარო იქნება

„ტაქსების თეთრი ფერი არ არის ახირება. თეთრი არის ის ფერი, რომელზეც რეკლამა კარგად ჩანს და ეს ტაქსის მძღოლებისთვის დამატებითი შემოსავლის წყარო იქნება,“ - ამის შესახებ სატრანსპორტო საკითხთა კომიტეტის თავმჯდომარე თედო ისაკაძემ თბილისის საკრებულოს სხდომაზე განაცხადა. მან ოპოზიციას მიმართა და აღნიშნა, რომ გულის სიღრმეში ისინიც ხვდებიან, რომ ეს რეფორმა გასატარებელი და სწორი იყო.

თედო ისაკაძემ მადლობა გადაუხადა ქალაქის მერს, რომ პრინციპულობა და შესაბამისი პოლიტიკური ნება გამოიჩინა ამ საკითხში.

„რაც შეეხება იმას, რომ ტაქსის მძღოლებს გადასახადები ემატებათ, ამ ინფორმაციას ვერ დავადასტურებ. პირიქით, ჩვენ ტაქსის მძღოლებისთვის სხვადასხვა სახის შეღავათებზე ვსაუბრობთ. კონკრეტულად მათთვის უფასო გაჩერებები გაკეთდება და მანქანების გადაღებვასაც უფასოდ შეძლებენ. რაც შეეხება ტაქსების ფერს, ტრანსპორტი არის ამა თუ იმ ქალაქის სავიზიტო ბარათი. ოპოზიცია ამბობს, რომ თეთრი ფერი ახირებაა. ასეთივე წარმატებით შეიძლება პრეტენზიები გქონდეს ყველა ფერთან დაკავშირებით. ეს არ არის ახირება, თეთრი არის ის ფერი, რომელზეც რეკლამა კარგად ჩანს და ეს ტაქსის მძღოლებისთვის დამატებითი შემოსავლის წყარო იქნება,“- განაცხადა თედო ისაკაძემ.

საკრებულოს სატრანსპორტო საკითხთა კომისიის თავმჯდომარემ დასძინა, რომ ოპოზიცია ყველა გადაწყვეტილების დროს განაწყენებულ სეგმენტზე აკეთებს აქცენტს. მისი თქმით, ტაქსების რეფორმას გაცილებით მეტი მხარდამჭერი და კმაყოფილი მოქალაქე ჰყავს, ვიდრე უკმაყოფილო.

აღნიშნულ ინფორმაციას საკრებულოს პრესსამსახური ავრცელებს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ