თემთა პალატამ „ბრექსითის“ შეთანხმება მესამედ ჩააგდო

დიდი ბრიტანეთის პარლამენტის თემთა პალატამ მესამედ ჩააგდო ქვეყნის ევროკავშირიდან გასვლის შესახებ შეთანხმება, რომელიც პრემიერ-მინისტრმა ტერეზა მეიმ ევროკავშირთან შეათანხმა.

შეთანხმებას მხარი დაუჭირა 286-მა დეპუტატმა, წინააღმდეგი იყო 344 დეპუტატი.

წინა ორი კენჭისყრისგან განსხვავებით, დეპუტატები დღეს ცდილობდნენ, დაემტკიცებინათ მხოლოდ „ბრექსითის“ შეთანხმება, რომელიც მოიცავს ისეთ საკითხებს, როგორებიცაა მოქალაქეების უფლებები და სადავო ირლანდიური „ბექსტოპი“.

დღევანდელ კენჭისყრაზე გამოტანილი არ ყოფილა დეკლარაცია, რომელიც ეხება დიდი ბრიტანეთის ევროკავშირთან ურთიერთობას.

დღევანდელ კენჭისყრას გადამწყვეტი მნიშვნელობა ჰქონდა დიდი ბრიტანეთის გეგმისთვის, რომელიც „ბრექსითის“ 22 მაისამდე გადავადებას ითვალისწინებს.

ცნობილია, რომ ევროკავშირის ლიდერებმა მანამდე თანხმობა განაცხადეს „ბრექსითის“ პროცესის გახანგრძლივებაზე იმ პირობით, რომ თემთა პალატა გასვლის შესახებ შეთანხმებას მიიღებდა.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ