უკრაინის საპრეზიდენტო არჩევნების პირველი ტური კონკურენტულ გარემოში ჩატარდა, ფუნდამენტური უფლებები მთლიანობაში დაცული იყო. ამის შესახებ ეუთო-ს საპარლამენტო ასამბლეის საპატიო თავმჯდომარემ ილკა კანერვამ განაცხადა.
„ამომრჩევლებს ფართო არჩევანი ჰქონდათ. არჩევნების დღე მთლიანობაში პოზიტიურად ფასდება“, - განაცხადა ილკა კანერვამ.
შეგახსენებთ, რომ უკრაინაში ამომრჩეველთა ხმების 80%-ის დათვლის შედეგად, ცნობილი მსახიობი და შოუმენი ვლადიმერ ზელენსკი ხმათა 30.41%-ით ლიდერობს. მოქმედი პრეზიდენტი პეტრო პოროშენკო მეორე ადგილზეა. მან ამომრჩეველთა ხმების 16.03% მიიღო, ხოლო პარტია „ბატკივშინას“ ლიდერი იულია ტიმოშენკო მესამე ადგილზეა 13.24%-ით.