“ჯაბა კრედიტის“ მეანაბრეები ხვალ პროკურატურაში სარჩელის შეტანას აპირებენ, - ამის შესახებ „ინტეპრესნიუსს“ „ჯაბა კრედიტის“ ერთ-ერთმა მეანაბრემ, მანანა ჯაგაშვილმა განუცხადა.

მისი თქმით, უკვე რამდენიმე თვეა, რაც შპს „ჯაბა კრედიტის“ 500-მდე მეანაბრე ორგანიზაციაში გახსნილ ანაბარზე შეტანილ თანხას, რომელიც ჯამში 18 მლნ ლარამდეა, ვერ იბრუნებენ.

„გვაქვს საფუძვლიანი ეჭვი, რომ გათამაშდა თაღლითური გარიგებების სქემა და ვითხოვთ ამ სქემის გაშიფვრას პროკურატურისგან და ჩვენი ქონების დაბრუნებისთვის ქმედითი გამოძიების ჩატარებას. რამდენიმე თვეა ანაბარზე არსებული თანხა ვერ გამოგვაქვს. კომპანიაში პასუხს არავინ გვცემს. თანახმა ვიქნებოდით მისაღები თანხის გადანაწილებაზე და გრაფიკის შეთანხმებაზეც, თუმცა კომპანია არ თანამშრომლობს და არ გვაქვს პასუხი, თუ რა გზით დავიბრუნებთ თანხას.ჯამში 500-მდე მეანაბრეა და საუბარია 15-18 მილიონ ლარზე , რომელიც „ჯაბა კრედიტს“ აქვს ასანაზღაურებელი,“- აცხადებს ჯაგაშვილი.